Donald Trump daxuyand ku ji agirbesta 14 rojan re end saet mane ku biqede ew dikarin ji nû ve Îranê bombebaran bikin. Her çendî Trump diyar kir ku muzakere didomin jî vebijêrka leşkerî li ser maseyê ye.
Serokê DYE’yê Donald Trump di daxuyaniyekê de diyar kir ku agirbesta 14 rojan a bi Îranê re ber bi dawiyê ve diçe, heke lihevkirinek çênebe ew ê ji nû ve Îranê bombebaran bikin.
Trump di bernameya "Squawk Box" a CNBC de axivî û got, "Ez li benda bombebarankirinê me, ji ber ku ez difikirim ku ev rêbazek çêtir e. Em amade ne. Leşker ji bo têkeve nava liv û tevgerê bi kelecan e.”
Trump li ser pirsa gelo wê agirbest were dirêjkirin wiha bersiv da: “Ez naxwazim vê yekê bikim. Ewqas wextê me tuneye.”
Trump îdîa kir ku DYE di muzakereyan de di rewşek bihêz de ye û anî ziman ku ew dikarin bigihîjin "peymanek tekûz”. Lê hîn jî ne diyar e ku bê çiqasî bidome û lêçûnê wê nayê zanîn.
Daxuyaniyên Trump li ser medyaya dîjîtal hat dayîn û rêveberiya Tehranê bi binpêkirina agirbestê tawanbar kir di heman wextî de pêk hatin. Ev tawanbarî wekî hincetek ji bo destwerdaneke leşkerî ya muhtemel hat nirxandin.
Tevî daxuyaniyên tund ên Trump jî deriyê dîplomasiyê bi tevahî negirt. Tê payîn ku Cîgirê Serokê DYE’yê JD Vance û Serokê Parlamentoya Îranê Muhammed Bekayî ji bo tûra duyemîn a hevdîtin wê li Îslamabadê bicivin.
